വിജയദശമി ആഘോഷങ്ങൾക്കിടെ മധ്യപ്രദേശിൽ ദുരന്തം. ഖാണ്ഡ്വ ജില്ലയിൽ ട്രാക്ടർ ട്രോളി പുഴയിലേക്ക് മറിഞ്ഞ് 11 പേര് മരിച്ചു. പന്ഥാന മേഖലയിലെ അർദാല ഗ്രാമത്തിലാണ് അപകടമുണ്ടായത്. വിഗ്രഹ നിമജ്ജനം കഴിഞ്ഞ് മടങ്ങിയ സംഘമാണ് അപകടത്തിൽ പെട്ടത്. വണ്ടിയിലുണ്ടായിരുന്ന 12 കാരന് അബദ്ധവശാല് വണ്ടി സ്റ്റാര്ട്ട് ചെയ്തതാണ് അപകടത്തിന് കാരണം. കുട്ടി ചാവി ഉപയോഗിച്ച് വണ്ടി സ്റ്റാര്ട്ട് ചെയ്തതോടെ പാലത്തില് നിന്ന് താഴേക്ക് മറിയുകയായിരുന്നു.
മരിച്ചവരില് 6 പെൺകുട്ടികൾ ഉൾപ്പെട്ടിട്ടുണ്ട്. 25 പേർ അപകടസമയത്ത് ട്രോളിയില് ഉണ്ടായിരുന്നു. അപകടത്തില് പെട്ട കൂടുതൽ പേർക്കായി തെരച്ചിൽ തുടരുകയാണ്. പരിക്കേറ്റവര് ആശുപത്രിയില് ചികിത്സയിലാണ്. പരിക്കേറ്റവരില് കുട്ടികളുമുണ്ട്.
