പഹല്ഗാം ഭീകരാക്രമണത്തിന് തിരിച്ചടി നല്കി ഇന്ത്യ. ഓപ്പറേഷന് സിന്ദൂര് എന്ന് പേരിട്ട സംയുക്ത സൈനിക ആക്രമണത്തില് പാക് ഭീകരകേന്ദ്രങ്ങള് തകര്ത്തു. പഹല്ഗാം ആക്രമണം നടന്ന് 15 ദിവസങ്ങള്ക്ക് ശേഷമാണ് ഇന്ത്യയുടെ തിരിച്ചടി. പുലര്ച്ചെ 1.44നായിരുന്നു സൈന്യത്തിന്റെ ഓപ്പറേഷന്.
ബഹവല്പൂര്, മുസാഫറബാദ്, കോട്ലി, മുരിഡ്കെ തുടങ്ങിയ സ്ഥലങ്ങളിലാണ് ആക്രമണം നടന്നത്. പാക് അധീന കശ്മീരിലെ അടക്കം ഒമ്പത് ഭീകരകേന്ദ്രങ്ങള് തകര്ത്തതായി സൈന്യം അറിയിച്ചു. നീതി നടപ്പാക്കി എന്നണ് ആക്രമണത്തെ കുറിച്ച് സമൂഹമാധ്യമത്തില് സൈന്യം നടത്തിയ പ്രതികരണം.
അഞ്ചിടത്ത് മിസൈല് ആക്രമണമുണ്ടായെന്നും മൂന്നു പേര് കൊല്ലപ്പെട്ടെന്നും 12 പേര്ക്ക് പരിക്കേറ്റതായും പാക് സൈന്യവും സ്ഥിരീകരിക്കുന്നു. ആറ് സ്ഥലങ്ങളിലായി 24 ആക്രമണങ്ങള് നടന്നതായി പാകിസ്താന് സ്ഥിരീകരിച്ചിട്ടുണ്ട്. ആക്രമണം നടന്നതിന് പിന്നാലെ ഭാരത് മാതാ കി ജയ് എന്ന് കേന്ദ്ര പ്രതിരോധ മന്ത്രി രാജ് നാഥ് സിങ് പ്രതികരിച്ചു.
