ജമ്മു കശ്മീരിലെ ഷോപ്പിയാനില് സുരക്ഷാസേനയും ഭീകരരും തമ്മില് ഏറ്റുമുട്ടല്. മൂന്നു ലഷ്കര് ഇ തയ്ബ ഭീകരരെ സൈന്യം വധിച്ചു. രണ്ടു ഭീകരരെ സുരക്ഷാസേന വളഞ്ഞതായും മാധ്യമങ്ങള് റിപ്പോര്ട്ട് ചെയ്യുന്നു.
സിന്പഥേര് കെല്ലര് പ്രദേശത്ത് ഭീകരര് ഒളിച്ചിരിക്കുന്നതായി സൈന്യത്തിന് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില് തിരച്ചില് നടത്തുന്നതിനിടെയാണ് ഭീകരര് സേനയ്ക്ക് നേരെ വെടിയുതിര്ത്തത്.
അതിനിടെ, പഹല്ഗാമില് ആക്രമണം നടത്തിയ ഭീകരരെക്കുറിച്ച് വിവരം നല്കുന്നവര്ക്ക് ജമ്മു കശ്മീര് പൊലീസ് പാരിതോഷികം പ്രഖ്യാപിച്ചു. 20 ലക്ഷം രൂപ ഇനാം നല്കുമെന്ന് അറിയിച്ചുകൊണ്ടുള്ള പോസ്റ്ററുകള് കശ്മീരില് പതിച്ചിട്ടുണ്ട്.
